話說最近又同朋友catch up下
呢期主題多數都係環繞移民, 經濟, 生活
因為呢班真係一班交心知己,往往可以好公開討論敏感話題
尋晚其中一個話題係男女朋友兩個人加埋大家揾緊幾多. 大家都係29-30歲,做各行各業.平均係大約七位數一年. 數字上其實可以用恐怖黎形容. 一邊廂話香港樓價太貴,另一邊廂唔夠父幹,買到樓既人比比皆是. 在場幾位朋友都開始成家立室,又有樓揸手.
從而引申到我最近覺得香港日後嘅發展方向. 係香港做一個普通人,要有正常生活,應該沒有最差,只有更差. 我大膽估計香港之後會發展成中國其中一個最多人移居既城市. 情況會似另一個上海. 上海精英雲集,大部份人才都來自五湖四海.
先不談政治, 香港會有越來越多”外省人”(精英)嚟香港工作,定居. 香港會慢慢成為中國既New York, 中國既London. 中國既金融中心. 如果從人才層面出發,大陸人已經開始蠶食香港既中環同金融業. 而我所講嘅蠶食係實力同能力. 其實依家越來越多投資銀行係香港請大陸人仲多過香港人. 原因係佢哋真係好勁. 日後連外資企業,高層係內地人嘅比例都會慢慢提高.
而係香港做一個普通人,生活只會越嚟越困苦. 假設香港人唔移居內地,大灣區嘅情況之下. 普通人生活質素只會越來越低. 情況會似New York同London. 全國最好嘅人才都係呢兩個地方. 要係New York同London普通地生活, 談何容易. 係美國,係英國,你大可以去其他二線城市繼續發展. 如果死守香港等如故步自封.
再諗深一層,大灣區雖然係國策,但係的確為年輕人開拓另一條路。如繼續故步自封,只會不進則退, 除非你喺係香港做到最精英個一群.